Hindi Inaasahang Pag-Ibig

tumitingin-tingin

sumusulyap-sulyap

hindi naman pinapansin

panay lang ang kurap

tinutukso-tukso

tawa lang ng tawa

kinikilos ay parang batang muang

nagkukunwaring walang alam

kinikilig

nabubulol at nagkakamali

iniiwasang titig

hindi mapakali

biglang nagkausap

sandali’y tinataglay

lumutang sa ulap

paligid ay puno ng kulay

ako’y namamangha

at nanatiling nagtataka

hindi naman hinahanap ngunit natagpuan

walang katok pumasok na lang sa may pintuan

pag-ibig ay sadiyang dumating

hindi naman hinihiling

wala naman hinihintay

dumating na lang sa buhay

hindi naman pinapangarap

ngunit sa isang iglap

ang pag-ibig ay aking kaharap

hindi inaasahang pag-ibig words by Angelo Zantua 15th of March, 2012